* * *

Челядь чужӧны, здукӧн быдмӧны да и мунӧны,
Медым ассьыныс водзӧ лӧсьӧдны олан поз.
Тэсянь колӧ, мед найӧс кок вылӧ вермин сувтӧдны,
Медым радейтін, сэсся, гашкӧ, и нинӧм оз.
Быттьӧ ӧні на морӧс улад тэ видзин-новлӧдлін,
А со нылукыд верӧс сайын нин. Лэбӧ кад...
Ичӧт пиукыд вӧлі пемыдсьыс ёна полӧ на, —
Ӧні письмӧяс тэныд гижалӧ збой салдат.
Важсӧ казьтыштіг, синва тюрлӧ и нюмыд петавлӧ...
Тӧждыс мамъяслӧн челядь вӧснаыс оз и быр.
«Аттьӧ» шуӧны нылыд пиыдкӧд олӧм сетӧмысь.
Налы кевман тэ, шуда вӧлі мед оландыр.