* * *

Шуӧ: «Бур,
Мый сьӧлӧмыд кӧрт,
Тэ некор он бӧрд».

Мыйта мен бӧрднысӧ сюрліс,
Сійӧ оз тӧд.

Вурыс вылӧ водӧ вурыс,
Мый нӧ таын бурыс?

Шуа: «Мун...
Ме мӧдлӧн. Ме мӧд.
Тэ пасьтась и мӧд.

Гусьӧн кор аддзысьлам, важ ног
Лолӧй оз пӧд.

Водзын тэтӧг йӧйми, гашкӧ,
Ӧні тэкӧд гажтӧм».

Шуштӧм лӧнь...
И ӧшиньын — сьӧд.
Ме аддзывлі вӧт...

Тэ меным нюмъялан. Пурта.
Сьӧлӧмӧй кӧрт...

Сутшкан весьшӧрӧ. Ме бурда.
Енмӧй, нӧшта вур дай...