* * *

Тэ ставныскӧд ӧтлаын качӧдчин-лэбин.
Ме кольччи, и бордъясӧй кыссисны муӧд...
Горш доймытӧдз синваӧс ньылалі-дзеби,
Ӧд тэнӧ ог суӧд, ог суӧд, ог суӧд!..

Ме некор ог веськав бӧр шоныдас — гортӧ,
А шудаяс енэжӧд лэбӧны визьӧн.
Ог судз ӧні кымӧрӧдз доймалӧм бордӧн
И кӧдзыдас турда, кын ю шӧрас йизя.

Ме эбӧстӧм, эновтӧм. Видзӧдлы горув!
Оз отсавны меным ни вӧр-ва, ни йӧзыс...
«Но, прӧштшайтлы...» — шыася йӧлӧга горӧн.
Тэ — чут паськыд енэжлӧн пыдӧстӧм лӧзас.

И ме пукта чут аслам дженьыдик нэмын.
Оз кыпавны бордъяс. И та вылын ставыс...
Тэ вынъясӧ эскин, тэ корин, тэ кевмин.
Но коли ме ӧтнамӧн сӧніка ваас...