* * *

Тэнад ме кодьыс,
тӧдӧмӧн, квайт,
а ме — сизимӧд:
шӧвк юрсиа да
мича платтьӧаыс.
Найӧ — квайтнаныс
тэӧн
зэв чорыда висьӧны.
Ме — ог.
Верман весигтӧ
аттьӧавны.

Нинӧм тэсянь
оз ков меным,
коркӧ да казялан.
Пӧсь муслунтӧгыд
водзӧ
ола на ме.
Найӧ ӧтикаӧн
шабді кӧсаяс
разьӧны,
кор тэ дорӧ
гусьӧник
волывлӧны.

Садьтӧг шӧпкӧдан
быдӧнлы на пиысь:
«Мусаӧй».
Со юрсиныс
лёзьмунӧ,
платтьӧтӧмӧсь.
Керка дорті кӧ шӧйтан,
ме биясӧс
кусӧда —
ог эскы ме
некутшӧм
радейтӧмӧ.

Квайтысь гугасьӧм
олӧмтӧ
ӧтнадӧн банӧдан,
Ми янсӧдчам
бӧръяысь,
веськодя дзик.
Тэ ӧд ме кодьсӧ,
тӧдӧмӧн,
мӧдысь он паныдав,
и гырддзатӧ
йиран на
пельпомӧдзыд.