* * *

Сёрнитлам?
Сёр нин да.
И ме ог кад йывсьыс, ог...
Быттьӧ тӧдсьӧма. Дасьті
Яштшик тыр тасьті.
Кӧсъян кӧ, лок.

Куритчан.
Куричӧ
Люкасин. Важӧн эн вӧв.
Верман крукасьны — джоджын,
Кыдзи и водзын,
Тшупӧда пӧв.

Видзӧдан.
Мича, да?
Юасян, гаж бырӧ, оз?
Татчӧ нинӧм эн вунӧд.
Ме дорысь мунан,
Бӧрӧ он кос.

Паськыда
Пасьмунін.
Мӧдпӧръя сэсся он ворс.
Сёрниным эштіс. И чукӧрӧ
Жуглассӧ чукӧртӧ
Ёг чышкан рос.