* * *

Нинӧм лёксӧ ме тэныд эг вӧч...
А тэ, мӧдарӧ стӧч:
Быттьӧ ме — тэнад медыджыд вӧрӧг.
Но, ме тэнӧ ог вӧрӧд.
Но, ме некор ог звӧнит.
Со ме гӧрбыльтчи, муас нин вужъяси, лӧни.
Со ме томиник пуӧн
Ён чард биысь пӧра.

Ме эг гӧгӧрво, мыйсяма дой?
Коля муыслы шой,
И тэ менӧ эн вошйӧд, эн вӧтав.
Коркӧ ме бӧрся мӧдан.
Менам кок туйӧд мунан,
Ачыд аслыд кӧ водзджык бур олӧм эн тунав...
Сэні сёрнитлам.
Тэ менӧ ылысянь тӧдан...