* * *

Лов джынйӧс перйӧма,
Яндысьтӧг гуӧма.
Жугӧдӧм-джынъяӧн лоны
Мен шуӧма.
Джынвыйӧ радейтны
Кык пельӧ орӧмлы.
Мӧд джынсӧ
Ракаяс кокавны корӧны —
Равзӧны, пурсьӧны,
Юр весьтын ӧвтчӧны.
Меланьӧ нырччӧны.
Кымӧрӧн вӧтчӧны.
Лов джынӧс нуысьӧй
Саялӧ вӧртасын.
Йӧктӧны радысла
Пытшкӧсса чӧртъясыс.
Шуліс: «Ог вӧрзьӧд».
И эски.
И пӧръяліс.
Чатӧртчи енэжас,
Кыв сеті: «Бӧръяысь».
Чорыда доймӧмысь
Ӧлӧдны некодлы...
Лов джынӧс видза
Мӧд татшӧмлы —
Ме кодьлы.