* * *

Кор кывъясыс дзугсьӧны,
Шыпасъяс вылӧ юксьӧны,
Ӧта-мӧд бӧрсяыс некыдз оз пуксьыны,
Сэк неуна лӧняс олыштны окота.
И ставсӧ да ставнысӧ кытшовтны бокиті,
Мед, кытшлалан туйыс кӧ некытчӧ шогмытӧм.

Ме лӧньыскӧд ёртася —
Тӧдыськӧд-тункӧд мортася.
Лолӧй бӧр пытшкӧсӧ писькӧдчӧ ортсысянь.
И нӧшта на лунъяс Вынаыс козьналӧ
Да водзынджык пӧдласьӧм ӧдзӧсъяс восьталӧ.
Со велӧдча лэбавны, сынӧдті восьлала.

Кор шыпасъяс йитчӧны,
Енэжсянь кывъяс лэччӧны —
Мичаа, шыльыда кывбурӧ тэчсьӧны,
Сэк ме гӧгӧр лӧньыс дыркодь на сулалас —
Сывъялас, шаньӧдыштас. Пельӧй чуналас.
И кывбуръяс кольӧны кок туйӧн му вылас.