* * *

Кӧинъясӧс ӧлӧді,
Тэнӧ мед эз вӧрӧдны, эз дойдны.
Пуксьы, шойччы, донаӧй,
Гажыд бырис ёна-ӧ? Вай мойдышт...

Бияс вылӧ петӧмыд,
Менам лэчкӧ шедӧмыд. Тэ сюрин.
Мездан туйяс корсян кӧ,
Сэки вира косьын тюрас юрыд.

Вунӧд югыд шондітӧ.
Войыс тані шонавлытӧм, помтӧм.
Кӧні водзджык вӧлін тэ?
Ме ӧд ӧні сьӧлӧмтӧм и ловтӧм.

Мутияскӧд йӧкта ме,
На воклы и тшӧкті тэнӧ корны.
Кӧинъясӧй эргӧны...
Олан кадтӧ бергӧдны тэд сёр нин.

Вына батьӧй, тӧлысьӧй,
Ӧзтас миян кӧлысьӧ выль кодзув.
Мекӧд лоан шудаӧн.
Сьӧлӧмтӧгыд кутан овны водзӧ.

Бипур ваймас пӧимӧдз...
Эзысь гӧна кӧинъясӧ пӧрам.
Коркӧ тӧлысь саялас.
Ордйысьӧмӧн пышъям сьӧд вӧр шӧрас.