* * *

Войся пемыд енэжын ӧтка кодзув...
Позьӧ меным олыштны тэкӧд орччӧн?
Позьӧ тэнсьыд юавны, мыйла ӧтнад?
Сӧмын менӧ ас дорсьыд эн на вӧтлы...
Тэкӧд лӧнь и кокньыд зэв, быттьӧ вӧтын.
Гусяторъяс аддзам ми ӧта-мӧдын,
Сэсся асъя кыаӧдз наӧн юксям...
«Аттьӧ, мый эн ӧтдортчы...», — тэныд шусяс...
Войся пемыд енэжын талун ӧзъян?
Ме ӧд тайӧ му вылас, быттьӧ йӧзын...
Тэ дорӧ кӧ матынджык эськӧ лоны...
Кывны аслам вир сӧнын тэнсьыд шоныд.
Войся пемыд енэжын лӧсьыд сэтшӧм!
Жаль, мый кадыс миянлы сетсьӧ этша.
Таладорас эштас кор олӧм-вылӧм,
Лоа югыд кодзулӧн вылын-вылын...