* * *

Вунӧдны кӧсйӧ
гӧлӧсӧс, кок шыӧс, нимӧс.
Ставыс кӧть йиджис
нэм кежлас яяс и вирас,
Сирасис-тасасис,
шыпуртӧн морӧсас инмис.
Висьталӧ мыйкӧ
да полӧмӧн видзӧдӧ синмӧ.
Кынми. Мен кӧдзыд.
И сьӧлӧмӧс босьтӧма йирмӧг.
Ывлаын гожӧм, а ме пытшкӧ
поздысис йирым.
Лолала гежӧда. Сырма.
Став тушаӧн тіра.
Суныштны важ моз оз лысьт
синлӧн пыдӧстӧм йирӧ.
Висьталӧ, мый абу мыжа,
мый лёкнога артмис...
Нюмдыны корӧ да сиӧ,
мед олӧмӧй ладмас.
Ладнӧ...
Мӧд туй вылӧ кежи.
И содтыны нинӧм.
Видзӧдӧ синмӧ.
И мыйлакӧ оз ӧшйы инас.

Тӧдӧ, мый олӧмыс морт вылӧ дженьдаммис-чиніс...