ПЕЗМӦГ

Партия сэні абу. Комсомол кӧсйӧ на лоны. Нардом абу. Йӧзкостса удж оз мун. Школалы омӧля отсалӧны: стӧрӧжлы лӧсьӧдӧмаӧсь 5 пуд нянь во гӧгӧр кежлӧ; пескыс бырны кутӧма, рытын уджавны карасин абу.

Ва вежӧдан лунӧ вӧлі праздник. Вӧчавлӧмаӧсь винаяс, да милиционеръяс куталӧмаӧсь.

Мӧд лунас вӧлі крестьяналӧн ӧтчукӧртчывлӧм (конференция). Волісны морт 50. Докладъяс омӧля кывзӧны, сӧмын ассьыныс висьтавлӧны.

Норасьӧны, кер билет пӧ дона, он вермы вештыны. Шуӧны, колӧ пӧ ӧдйӧджык крестьянскӧй вӧр лӧсьӧдны (леса местного значения).

Тулыснас кӧсйисны корлыны Обземуправленньӧысь ӧш да уж.

Шуӧны, сикт гӧгӧрысь матысь пӧ оз ков делянкаяс сетны, мед пӧ крестьянаыслы вӧрыс кольӧ.

Шуасьӧны, мыйла пӧ мукӧдыслы вывті ыджыд жалӧванньӧяссӧ сеталӧны, велӧдысьяслӧн пӧ зэв ичӧт, вузасянінъясын уджалысьяслӧн пӧ зэв гырысь.

Норасьӧны, кер лэдзӧмысь пӧ омӧля мынтысьӧны. Кӧсйысисны кер лэдзысь артель лӧсьӧдны.

Школалы отсалӧм йылысь шуисны скод вылын сёрнитны.