СӦВЕТ ВЛАСЬТ ЁН

Воӧн-джынйӧн сайын Мӧскуаын судитлісны эсеръясӧс, кодъяс быд ногӧн вермасьлісны (паныд мунлісны) Сӧвет власьткӧд. Медгырысь мыжаяссӧ (дас ӧтик мортӧс) вӧлі судитӧма лыйлыны.

Неважӧн Ставреспубликаса Исполком (ЦИК СССР) выль пӧв видлаліс налысь делӧсӧ да шуис: судитӧм йӧз ӧні оз нин вермыны ыджыд лёк вӧчны Россиялы, ӧні Сӧвет власьт ёнмис, повны некодысь. Сэсся судитӧм йӧзлысь наказанньӧсӧ чинтіс. Кодъясӧс вӧлі шуӧма лыйлыны — налы вежис вит воӧн тюрмаын пукавны, мукӧдыслы тшӧтш чинтіс пукалан срокъяссӧ.

Сӧвет власьт оз мырсьы водзӧс босьтны (мстить). Миян государство пыр тӧждысьӧ бурджык олӧм лӧсьӧдны, быдӧнкӧд мирӧн овны.