КОМИ ЙӦЗ!

Отсалӧй том войтырӧс военнӧй уджӧ велӧдны!

Регыд кутасны велӧдны военнӧй уджӧ том войтырӧс (1903 воӧ чужысьясӧс).

Военнӧй уджӧ велӧдӧм — ёна колантор уджалысь йӧзлы. Сійӧ сетӧ вынйӧр, повтӧм сьӧлӧм велӧдчысьяслы, лӧсьӧдӧ мӧдысь кежлӧ ён, нинӧмысь повтӧм йӧзӧс Гӧрд Армияӧ, уджалысь йӧзӧс озыръясысь дорйысь, тіянлысь ассьыныд власьт — Сӧвет власьт — видзысь Армияӧ.

Обласьтувса Военнӧй удж нуӧданін чукӧстчӧ став коми йӧз дінӧ, корӧ ассяньыс ыстӧм мортъяслы сьӧлӧмсянь отсавны быд ногӧн 1903 вося войтырӧс чукӧртігӧн, лӧсьӧдны бурджыка чукӧртӧмсӧ.

Асьныс 1903 вося том войтыр гӧгӧрвоасны, кутшӧм ыджыд колантор военнӧй удж тӧдӧм, пырысьтӧм-пыр Военнӧй удж нуӧданін корӧм бӧрын локтасны велӧдчыны.

Том войтыр! Ӧти морт весиг энӧ кольччӧй сэки гортаныд!

Коми йӧз! Ставныд ӧтмоза шуӧй асланыд пияныдлы, вокъясыдлы: «Тэнӧ корӧны военнӧй уджӧ велӧдчыны! Мун! Зіля велӧдчы!»