ЮЫСЬ «ТРОИЦА»

Айкинаын неважӧн бӧрйисны Исполком. Сэтчӧ пырисны: кык важ шлен, ӧти выль — юралысьыс. Сэсся тайӧяс кындзи сэні Земотделын эм гижысь — Исаков Илля Ӧлексей. Тайӧ нёль служак письыс куимыс: Земотделын удж нуӧдысь — Малакиев Петыр Васьӧ, Исполкомын секретар — Исаков Ӧндрей Миш да Земотделын гижысь — Исаков Илля Ӧлексей пӧшти быд лун кодӧсь, ветлӧны сиктысь сиктӧ, корсьысьӧны самӧкур. Мукӧд праздникъяс дырйи куим лунӧдз Исполкомыс пӧдса овлӧ. Колян Микӧла лунӧ (декабр 19 лунын) вӧлі сура праздник Кырсын, Ватуисын, Семуковын да Тыдорын. Миян Исполком муніс кык вожӧн празднуйтны, куим лун некод эз вӧв служба вылын. Мукӧддырйиыс быттьӧ служба могӧн мунасны юны. Ӧти вӧскресенньӧӧ мунісны тадзи Шожымӧ. Видзӧдам да сэсся лун шӧр бӧрын зиля-зёля Земотделса служакъяс локтӧны кӧлӧкӧла вӧлӧн, кодӧсь, сьылӧны. Ветлӧмаӧсь Ичӧт Айкинаӧдз самӧкур юны.

Татшӧм «троицасӧ» эськӧ колӧ неуна ӧлӧдыштны! Мый нӧ видзӧдӧ Исполкомас юралысьыс?

Айкинаса.