ОТСАЛАМ СТАВНЫМ!

Неважӧн Болгарияын уджалысь йӧз (крестьяна рабочӧйяскӧд) лэптысьлісны асланыс лёк (буржуй) власьт вылӧ. Уджалысьяслӧн вынныс эз судзсьы, найӧс вермисны озыръяс. Кодсюрӧ вермис пышйыны йӧз муӧ. Унаӧн, дерт, колины гортаныс. Найӧс правительствоыс быд ногӧн пӧдтӧ: лыйлӧ, виӧ, сотӧ, тюрмаясын видзӧ. Зэв сьӧкыд коньӧръяслы овныныс! Коминтерн да Профинтерн (ставмувывса коммунистъяслӧн да рабочӧйяслӧн комитетъяс) чуксалӧны став уджалысь йӧзӧс отсавны Болгарияса крестьяналы да рабочӧйяслы.

Отсыштӧй, коді мыйӧн верманныд! Кокньӧдыштӧй налысь сьӧкыд олӧмсӧ! Ӧлӧдыштӧй найӧ челядьлысь да гӧтыръясыслысь курыд синванысӧ!