МЫЙ ШУӦНЫ АНГЛИЯСА КОММУНИСТЪЯС

Англияын ӧні бӧрйысьӧны делегатъяс Парламентӧ (Государственнӧй Думаӧ). Англияса коммунистъяс та кежлӧ лэдзисны гижӧд (манифест), кӧні шуӧны: сьӧкыд олӧмысь вермас мездыны сӧмын уджалысь йӧзлӧн власьт. Колӧ пӧ босьтны сулалан пабрик-заводъяс государство киӧ. Сюйны налогъяс озыръяслы. Лӧсьӧдны рабочӧйяслы квайт часа уджалан лун. Сетны уджтӧмъяслы пособйӧ. Лыддьыны (пыдди пуктыны) Сӧветса Россияӧс. Германияса революциялы не мешайтны. Петкӧдны став англияса войска Рейнскӧй обласьтысь (эм Германияын сэтшӧм обласьт). Бырӧдны Версальса договор (кодӧн буржуйяс кӧрталісны война бӧрын Германияса йӧзӧс). Чукӧртны ставмувывса государствояслысь съезд да збыльысь дугдыны ӧружитчӧмысь; тайӧ съезд вылӧ тшӧтш корны Сӧветса Россияӧс. Быдпӧлӧс англияса йӧзӧс ӧткодявны (сетны равноправйӧ).