КОМИЛЫ — КОМИ КЫВ

Талун миян первой на петӧ дзик коми газет. Зэв нин важӧн эськӧ вӧлі колӧ да, пыр кыдзкӧ эз артмыв, — веськыда кӧ шуны, полам вӧлі — «вынным, мися, оз судзсьы дзик коминад лэдзны». Со тай вӧлисти сэсся и петіс. Тайӧ миянлы зэв нин нимкодьтор!

Войдӧр, саръяс дырйи, ми — коми йӧзыд — эгӧ весиг сёрнитны явӧтӧ лысьтлӧй ас кывнад, а ӧні со — быдса газет петӧ коми кывйӧн! Тайӧ ыджыд бурсӧ сетіс Сӧвет власьт быд мукӧд пӧлӧс сёрниа йӧзлы.

Дерт, первоястӧ, гашкӧ, и сьӧкыдджык лоӧ лыддьыны коми газеттӧ — гашкӧ, коми йӧзыд оз на тӧдны коми гижӧдсӧ — но велалам! Быд удж ӧд первойтӧ сьӧкыд овлӧ. Коми гижӧдсӧ сэсся и велӧдны кутам коми газет вылысь. Деревняясын ӧд миян рочнад зэв омӧлика гӧгӧрвоӧны, кӧть рочнас и лыддьӧ кодсюрӧ. Коминад кӧ лыддяс ӧти морт (сэтшӧмыд быд деревняысь нин ӧні сюрӧ — велӧдчысьяс кужӧны) — сэки став йӧзыс гӧгӧрвоасны, мый гижӧма газетад. Бӧрвылас сэсся велаласны да — быд грамотнӧй морт кутас кужны коминад лыддьыны. Мед кӧть кык сьӧкыд лоӧ первойястӧ лыддьыны коминад, а гӧгӧрвоӧмыс сы пыдди лоӧ дас мындаысь унджык рочӧн дорысь!

Сійӧн и кутам ми ӧнісянь лэдзны коми газет — первойяссӧ кыкысь вежонын, сэсся содтам на.

Лыддьӧй, коми войтыр, ассьыныд газетнытӧ! Велӧдчӧй выль ногӧн овны! Тырмас нин тіянлы пемыдінын кималасӧн ветлыны — велӧдчӧй, кыпӧдчӧй, югдӧдчӧй!