* * *

Бубин зильгӧ, гудӧк дзизгӧ,
Якӧ Васьӧ сэні визгӧ.
Лука Васьӧ чеччалӧ,
Бабаыс тшӧтш бергалӧ.

Епӧ Микул пукалӧ,
Нюмъялӧ да шыннялӧ,
Бабаыс сэн юр ни кок,
Лёкысь чеччӧ, сток да сток!

Петьӧ Ельӧ никлясьӧ,
Кокъяснас зэв вежнясьӧ;
Пельӧсас то Кӧнолюк
Сералӧ рук, рук, рук, рук.

Матьвей Иван горзӧ збыль,
Юрсӧ гогйӧ быттьӧ мый;
Бубин толькӧ — зиль, зиль, зиль,
Шондібанӧй, олӧмӧй!..

Войбыд сэні чеччалісны,
Коді кыдзи-мый вермисны.
Толькӧ гортӧ сэк мунісны
Кор эбӧсъясыс бырисны.