КОДІ ШОГСӦ ТӦДЛІС...
Сиа А. Поповлы


Коді ме моз шогсӧ тӧдліс —
сійӧ кисӧ мыччас мӧдлы.
Сійӧ лэдзас аслас гортас
ме кодь код да зумыш мортӧс.

Кодлӧн шудыс жугыль биа
сись моз сотчис Омӧль киын —
сылӧн ангелыс да еныс
тавой лёксьыс видзас менӧ.

Кодлӧн нор да жугыль гӧлӧс —
сідзкӧ сылӧн шогыс вӧлі.
Тавой сійӧ ме моз кывзӧ
арся тӧвлысь сьыланкывсӧ.

Курыд вина юигтырйи
сійӧ бӧрдӧ аслас жырйын.
Ме моз сылӧн тайӧ войӧ
вина сорыс бырӧ дойыс.

Миян шудным Омӧль киын
сись моз сотчис жугыль биӧн...