* * *

Гӧпъяс, пышкайяс, гулюяс, семечки кышъяс.
Кияс, корысьяс, чужӧмъяс, гӧрбыльтчӧм мышъяс.
Куим рубаяс, витаяс, дасаяс, сёяс.
Талун, аски да аскомысь, лунъяс да вояс.

Чуньяс, кекеньяс, чукыръяс, векыштчӧм вомъяс.
Ичӧт кагаяс, чиганъяс, пӧрысьяс, томъяс.
Куим рубаяс, витаяс, дасаяс, сёяс.
Талун, аски да аскомысь, лунъяс да вояс.

Сиктын, вичкоын, ывлаын, керкаын, карын.
Войын, лун шӧрын, праздникӧ, тулысын, арын.
Куим рубаяс, витаяс, дасаяс, сёяс.
Талун, аски да аскомысь, лунъяс да вояс.

Ворсӧ гудӧкӧн, юрбитӧ, гадайтӧ, ёрӧ.
Кисӧ нюжӧдӧ, кевмысьӧ, нянь вылӧ корӧ.
Куим рубаяс, витаяс, дасаяс, сёяс.
Талун, аски да аскомысь, лунъяс да вояс.