* * *

Быттьӧ каньпи йӧжгыльтчӧма нӧрыс,
куткырвидзӧ ю дор видзьяс шӧрын.
Сылӧн гӧгрӧс, небыд мышку вывті
еджыд руыс унзільпырысь кывтӧ.
Коми пасьта, сӧстӧм Эжва кузя
ставыс гӧгӧр сыркнитӧма-узьӧ.
Сӧмын сэзьдӧм августшӧрса войыс
ассьыс югыд би киньяссӧ койӧ.
Коми сьыланкывъя мулы
югыд тайӧ сэзьдӧм енэж улас.
Мед жӧ, мед жӧ тайӧ ыбъяс вылас
коми сёрни нэмъяс мысти кылас!