ВИСЬТАСЬӦМКыдз нӧ он шогсьы да кыдз нӧ он бӧрд? Мортыдлӧн сьӧлӧмыс абу тай кӧрт. Сетӧма сьӧлӧм да сетӧма лов. Шуӧма Енмыс да — Кыдзи он ов? Индӧма уджсӧ да, кыдз нӧ он берт? Ныв-питӧ чужтін да, сэсся тай верд. Олӧмыс сьӧкыд да — кыдзи он ёр. Овлывлӧ мелі да, кыдзи он кор. Сьӧлӧмыд скӧрмас да, кыдзи он шу? Сэсся тай пинясь да шогысла ю. Кыдз нӧ он эскы да бурсӧ он чайт, кыдз нӧ он кевмы да кыдз нӧ он кайт? Юр выв тыр уджыс да — киыд оз судз: кыдз нӧ он дзормы да кыдз нӧ он мудз? Кулан да дзебасны, мортыд тай жеб. Шуӧма ловлы да, кыдзи он лэб? Таладор югыдас эштӧма удж. Мӧдарас колӧ да, кыдзи он вудж? Кыдз нӧ он шогсьы да кыдз нӧ он бӧрд? Мортыдлӧн сьӧлӧмыс абу тай кӧрт.
