* * *

Мыйӧн воас кӧдзыд тӧлыс,
бара доддяласны вӧлӧс.
Тӧвбыд мортлӧн плетя киыс
кутас тэрмӧдлыны сійӧс.

Мыйӧн шойччан кадыс воас, —
сэки гожӧм шӧр нин лоас.
Кутас казьтывлыны вӧлыс,
кутшӧм кӧдзыд вӧлі тӧлыс.

Вазьӧм, войся дзоридз пиын
кутас казьтывлыны сійӧ,
кыдзи юысь конюк Петя
тӧвнас быд лун нӧйтліс плетьӧн.

Кутас казьтывлыны вӧлыс
коддзӧм Петьлысь скӧрмӧм гӧлӧс,
кӧть и Петьыс таво тӧлыс
вина юӧмысла куліс...