* * *

Буса карысь воӧм бӧрын
тапикася горт дор йӧрын.
Талун казьтывла ме туйӧс,
ыджыд каръяс, мича муяс.

Ветлі тӧдтӧминын, ылын.
Талун — чужан кильчӧ вылын
сьыла важся сьыланкывъяс,
варовита коми кывйӧн.

Талун лёксьыс видзӧ менӧ
чужан пельӧсувса енмыс,
гортса шойччӧдана чӧлыс,
ӧшинь увті ветлысь тӧлыс.

Сэтшӧм лӧсьыд, кокни гортын,
пӧрысьмыштӧм мам-бать ордын.
Кыдзи метӧг налы татӧн,
кыдзи меным лоӧ натӧг?..