ДОЙДӦМ ЛОВЙӧз керкаын стрӧгӧсь стенъяс, Ӧшинь нюмъёвтны оз лысьт. Нылук, коді чужтіс тэнӧ, Батьтӧм-мамтӧм усин кысь? Мамӧ, мамук, мамӧ, — шӧпкӧ нывка мувывтыр, — Мамӧ, мамук, мамӧ, мыйла тані видзан дыр? Водісны нин ворсысь ёртъяс, Бара пуксис «тихӧй час». Но оз узьсьы ичӧт мортлы, Дыр на нывка тільӧдчас. Мамӧ, мамук, мамӧ, — оз мудз корны ичӧт морт, — Мамӧ, мамук, мамӧ, висьтав, кӧні менам горт? Сылӧн мамыс мӧдлы шӧпкӧ. Мӧдлы видзӧ шоныд сыв. Коркӧ вӧлі пӧ ӧшыбка — Сылысь корӧмсӧ оз кыв. Мамӧ, мамук, мамӧ, — век оз ӧвсьы дойдӧм лов, — Мамӧ, мамук, мамӧ, збыль мӧй некодлы ог ков?
