МИ БӦРЙИМ ТУЙ?..


«Ми бӧрйим туй...»
А, гашкӧ, миян пыдди?
Ӧд тадзи вӧвлі нин эз ӧтчыд,
Кор,
Выль индӧд лыддиг,
Зэв эским: дерт жӧ, татчӧ!
И ньӧти повтӧг веськӧдлімӧй борд.

А кольліс кад,
И кушӧдз нетшким юрси.
И ӧттшӧтш ставӧн, коді вӧчис
Мыж,
Зэв яра корсим.
Сідз корсим — весиг пӧчӧ
Ас челядь вылӧ кесліс вижов гыж.

«Ми бӧрйим туй...»
А пилы — бара бӧрйы?
Мед сэсся эз нин некор ковмы,
Эз,
Ми, гашкӧ, збыльысь бӧръям?
Юр ӧд новлам!
...А мӧд ног — ковмас бара
				чер да гез.