ӦВВӦ СЬЫЛӦМ


Югыд лунсӧ личкис вой,
Сьӧд вӧр сайӧ суніс шонді.
Узь нин, узь нин, сьӧлӧм дой,
Узь нин, узь нин, зарни шобді,
				зарни шобді.

Талун мудзтӧдз вӧчин удж:
Ворсін, сералін дай бӧрдін.
Узь нин, узь нин, олӧм вуж,
Узь нин, узь нин, менам бордӧй,
				менам бордӧй.

Мелі асыв ӧзтас би,
Выль лун бара тэныд вӧзъяс,
Узь нин, узь нин, муса пи,
Узь нин, узь нин, вильышпозйӧй,
				вильышпозйӧй.

Коркӧ быдман, лоан бать,
Аслыд дӧнзяс ӧввӧ сьылӧм.
Узь нин, узь нин, шондібан,
Узь нин, узь нин, дона сьӧлӧм,
				дона сьӧлӧм.