* * *

Ме тӧда, тэ менӧ он виччысь...
Тэ войт мында менӧ он радейт...
Но помасьӧ луныс,
И рытланьӧ кад —
Ме пасьтала мича сьӧд платтьӧ...
А морӧсын кодзула сикӧтш,
И кӧмтӧг ме тэ дорӧ муна,
Ме восьлала гусьӧн,
Тэ медым эн кыв...
Тэд муслунӧс ассьым ме нуа.

А коркӧ ме вӧлі зэв шуда,
Кор меным тэ шулін, мый кола.
И асывсянь рытӧдз
Ме виччыся пыр,
Кор пемыднас тэ дорӧ вола.
Тэ некодлы некор он вичмы!
Тэ туй вывсьыд менӧ он вешты!
А тэнӧ дзик нинӧм вылӧ
Ме ог веж...
Но шонділӧн чеччӧмкӧд эшта.