ГЫДСАН


Паськыд гыдсан, лэбан кытчань?
Кӧні тэнад туйпом этш?
Кодӧс чуксалан тэ, кытсан?
Мыйла дзуртан шы он веж?

Вай жӧ орӧд сира гезтӧ.
Лэбам водзӧ вӧтын моз.
Лэбам керка юръяс весьтті,
Мед оз ковмы туй ни пос.

Медым йӧзыс кыдз кӧть лӧвтас,
Сӧмын муса нылӧс тшӧтш
Босьтам сьӧрысь. Кыдз и вӧтын.
Улӧ коляс Эжва кӧдж,

Зарни видзьяс, гӧра муяс,
Вӧръяс, расъяс, паськыд оль...
Кылан, гыдсан, водзӧ уям,
Дзуртан сьылантӧ эн доль.