* * *

Ме тэнӧ вошті —
Воши олӧм сюрӧс.
И мыйла, кодлы
Ола ме — ог тӧд.
«Эн шогсьы, нылӧй,
Бурджык морт на сюрас.
Тэ сійӧс вунӧд,
Сылы колӧ мӧд».
Но ме ог вермы
Шыбитны да сотны
Став шогсӧ, коді
Узьны мен оз лэдз.
И бара гижа,
Бара кӧсъя дойдны
Нор сьӧлӧмӧс,
Но ставыс артмӧ весь.
Мый вӧчны? Кыдзи
Венны тайӧ вынсӧ?
Ӧд мортлӧн олӧм
Абу помтӧм шог.
Ме мудзи, мудзи!
Сьӧлӧм ньӧжйӧ кынмӧ,
Но тэнӧ лэдза.
И ог косӧд. Ог!