АСЪЯ СЬЫЛАНКЫВ

Водз асылын шондікӧд ме чеччи...

Водз асылын шондікӧд ме чеччи да
Ордым туйті Эжва дорӧ лэччи.

Ордым туйті Эжва дорӧ лэччи да,
Вежа ванас чужӧмӧс ме мыськи.

Вежа ванас чужӧмӧс ме мыськи да
Сьылігмоз да шӧвк юрсиӧс кыи.

Сьылігмоз да шӧвк юрсиӧс кыи да
Алӧй ленточкаӧн кӧртышті.

Алӧй ленточкаӧн кӧртышті да
Асъя дзоридз нӧшта ӧктышті.

Асъя дзоридз ӧктышті да
Кодзув лысвасӧ тай сэтысь ме юи.

Кодзув лысвасӧ тай сэтысь ме юи да
Кӧсйӧмторйӧс вӧр-ваыслы висьтавлі.

Кӧсйӧмторйӧс вӧр-ваыслы висьтавлі да,
Кайи сэсся гортӧ вӧччыштны.

Кайи ньӧжйӧ гортӧ вӧччыштны да
Небыд пирӧг-преник пӧжавны.

Небыд пирӧг-преник пӧжавны да
Ыджыд самӧварӧс пузьӧдны.

Ыджыд самӧварӧс пузьӧдны да
Горничаын дона гӧсьтӧс виччысьны.