* * *

Радейта, кор войлань кадыс вежсьӧ,
Гӧгӧр лӧньӧ, шы ни тӧв оз письт;
Радейта, кор пукала ас кежысь,
Нӧшта бурджык, ӧзъялӧ кӧ сись...

Синлы любӧ, сьӧлӧмӧйлы кокньыд,
Билӧн кывйыс ворсӧдчыштӧ кор.
Весиг лунса тӧждлуныс оз шогӧд,
Коланаыс быттьӧ ковтӧмтор...

Кусіс...
... Медым сьӧлӧм менам бурмис,
Медым локтысь лунъясысь эг пов,
Менам повтӧм еджыд сисьлы-ёртлы
Ковмис сетны ассьыс ичӧт лов.