* * *

Мукӧд муӧ ветлӧм бӧрся,
Гӧгӧрвоан ӧтитор:
Помӧсдінын медся лӧсьыд!
Ловнад сы дорысь он ор!

Ставыс гӧгӧр ас да муса,
Тані миян олан гаж!
Кӧть и кытшовта ме мусӧ,
Кывкӧртӧдӧй кольӧ важ!

Туйӧ пета. Вӧръяс пӧвстӧ
Саялӧ нин чужан сикт.
Юрын ӧти мӧвп и ӧзйӧ:
«Виччысь! Локта регыд дзик!»

Тэысь донаджыкыс мый нӧ?
Тэ и сӧстӧм, тэ и рам.
Овсьӧ шуда мен тырвыйӧ,
Кӧні чужтісны бать-мам.

Тані эм, быд инкӧд йитчӧм,
Сьӧлӧм ышӧдана дум.
Вӧр-ва тані кыпыд, мича!
Видзӧдлан, да петӧ нюм!

Помӧсдінын менам вужъяс,
Нэм помӧдз ме лоа тан!
Уна морт на нӧшта чужас!
Ов жӧ, сиктӧй-шондібан!!!