* * *

Ичӧт нывка
Индіс чуньнас ме вылӧ.
Сідзкӧ, бӧръя лун.
Талун менӧ кӧртавласны,
Изъяинӧ нуасны.
Кӧдзыд ывла.
Тӧлыс юрӧс малалӧ,
Сиӧ чӧскыд ун.
Копыртчин, босьтін киясад
Медся ыджыд изъяссӧ.
Еджыд сунис
Быттьӧ менам олӧмӧй.
Орис... Орӧдін.
Чӧв-лӧньыс вундӧ пельясӧс.
Лыддя ёсьмӧм пельӧсъяс.
Синмӧс куни,
Кӧть и абу полӧмӧй.
Бӧрддзин, горӧдін
Да лыйин изсӧ меланьӧ.
Кыла, пытшкӧй зэлаліс.