* * *

Талун ывлаыс ме дор:
Сійӧ бара на ыркалӧм лола.
Талун ывлаыс ме дор —
Пӧдса ӧдзӧсӧс тыртӧма тола.
Талун ывлаыс ме дор —
Кусӧм ӧшиньӧс гыӧртӧ кӧдзыд.
Оз и шондӧдлы некор.
Посни йиторъяс сьӧлӧмӧ кӧдзин.

Талун ывлаыс ме дор.
Стӧча сы вылӧ уджалӧ кадыс.
Талун ывлаыс ме дор,
Эськӧ ставсӧ ме бергӧдны рад да...
Важас олыштны недыр,
Вежны бурланьӧ лёксӧ. Да кыськӧ!..
Талун ывлаыс ме дор —
Тэнад керкаад пашлякӧн лыйсьӧ.