* * *

Ме тэнад шудӧн некор нин ог ло
И воддза мозыс китӧ ог нин шамырт.
Ме олі тэтӧг уна шуштӧм во,
Но ӧні верма воча зэвтны кабыр.

Тэ менӧ вӧйтін няйт пиас, а ме
Эг пӧд, эг кув и тырвыйӧ нин ола.
Тэ шыч ни рачӧн колляв ассьыд нэм,
Ӧд воас кад, кор вермытӧмӧн лоан.

Ок, тӧда ӧд, мый коран менӧ сэк,
Мед пань тыр ва кӧть сета косьмӧм горшад!
А видлы ме моз овны да эн чег!
И бӧрдны, медым синваыд эз доршась!

Ме абу мыжа — вештысьны ог кут.
Тэд аслыд нуны сісьмалыштӧм кресттӧ.
Ме кӧсйи тэныд сины ыджыд шуд,
Но ӧзйысь лолӧй дзик тай мӧдтор пестіс...