СИЗИМ КЫТШ


Гашкӧ, сизимнан кытшсӧ нин вӧчи,
Сёысь крукасьлі-усьлі да водзӧ...
Плештӧ поткӧдан-дойдан и бӧрддзан,
Сола синвасьыд винатӧг коддзан.

Сизим кытш пӧ тай, шуӧны, адлӧн.
Чотан-восьлалан мургыльтӧм кокнад:
Кусӧ истӧгӧн сьӧлӧмсьыд радлун,
Ӧзйӧ ыпъялысь бипурӧн шоглун.

Гашкӧ, сизимнан кытшсӧ нин вӧчи:
Сизим кытш пӧ тай, шуӧны, адлӧн.
Кымын сетӧма — помӧдз нин жӧдза,
Кушӧдз гумлала курассӧ кадлысь.