* * *
Нинӧм он бергӧд, он веж — Пузьӧ вирӧй. Восьлалысь кадсӧ ме Лӧглунӧн йира. Эськӧ ме, верми кӧ, Мыйкӧ да вежи: Мӧд мортӧн чужи, Мӧд туй вылӧ кежи. Эськӧ ме тшыглунсӧ Некор эг тӧдлы, Ас бердысь шогъясӧс, Дойясӧс вӧтлі. Некор эг сет ассьым Омӧльтны лолӧс. Ставыс сэк эськӧ да Артмис, кыдз колӧ. Вӧчны кӧ позис Выль олӧмлысь гӧрӧд, Гашкӧ, эг ло татшӧм Стрӧгӧн да скӧрӧн. Мый нин и лӧвтнысӧ: «Эськӧ да эськӧ», Сӧмын мед тэкӧд, И туйным мед веськыд.
Гижӧд
Нинӧм он бергӧд, он веж...
Жанр: 

lkejrlkelkrgner klrjnelknfrkl ekjnrjkenfrej

1