* * *

Дойманінъясӧс
резьӧда, солала...
Сотӧ-косялӧ,
ӧдва и лолала.
Ме ӧд ловъя на,
кыла на дойясӧс.
А тэ чайтан, мый
кокньыд мен войяссӧ
Тадзи коллявны
ӧтнамлы, кӧдзыдас?
Эськӧ мыйкӧ ме аскӧд
и вӧчи да!
Сӧмын доймӧ ӧд,
висьӧ ӧд. Оз-ӧ мӧй?
Сӧмын гажтӧмыс
бытшйӧдлӧ — горзымӧн.
Тэ он кыв менсьым
талунъя бӧрдӧмӧс.
Шогыс вывті нин
топыда кӧрталіс,
Менсьым муслунӧс
нетшкӧмӧн орйӧдліс,
Тэнсьыд олӧмтӧ
ме дорысь торйӧдіс.