ЗАПОЛЯРЬЕ

Апрельын сӧдз и югыд Заполярье,
И шонді водзын синтӧ ёрӧ лым.
Сідз гӧгӧр шынь!
Куш карлик кыдзьяс гарйӧ
Кор волас байдӧг, яран сетлас гым.
То мунлас кынь, шыр корсиг аслыс сюся,
То кӧръяс кӧнкӧ перйыштасны нитш,
То дулымтылас руч,
Код вылысь би кинь усьӧ,
А сэсся гӧгӧр,
Гӧгӧр кутш ни китш,
А шонді сэтшӧм яр
И енэж сэтшӧм мича!
Кӧть лунтыр кут тэ восьсӧн ассьыд чум
Да видзӧд эрдсӧ — 
Бисералас китша,
Оз торксьы шынь,
Оз торксьы тэнад дум!