ВОЙНАБӦРСА

Шупчик Иван Насталӧн, Дзоля Вань Агнилӧн, 
Як Степан Анналӧн, Изьва Насталӧн, Павел Марьялӧн 
да джеджимса мукӧд дӧвалӧн паметь кузя.
Налӧн верӧсъясныс усисны 1941-45 воясӧ 
и некор эз тӧдлыны кокни олӧмсӧ.
Коньӧръяс бабаяс — олӧмсӧ пыкысьяс, Ӧніӧдз син водзын шогалысь синъясныс. ...Миянлысь керка пытш косньӧдик кияснас Ыджыд лун водзвылын дӧваяс мыськисны. Ӧніӧдз помнита гӧлӧссӧ аньяслысь, Кодъяслӧн томсяньныс пӧрысьмис томлунныс. Арлыдныс? Арлыдныс эз на вӧв комыныс, Шуднысӧ мырддис кор войнаыд шаньяслысь. Найӧ вед вӧвліны уджачлив моньясӧн... Мыйысь нӧ, донаяс, тіянӧс ёрисны? Мусаник мамъясным кадысь водз дзормисны, Кадысь водз косьмисны аньяслӧн нёньясныс. Мыськӧм нин керкасянь гӧлӧсъяс кылісны, Ас вӧчӧм винаӧн сьӧлӧмъяс шонтісны. «Шли два героя из финского фронта»-тӧ Рудзмунӧм аньясыд бӧрдігтыр сьылісны. Зонпосни котралам туй кузя асыкӧн, Сикт помын венласям ньӧввужйысь лыйсьӧмӧн. Ризъялам-радуйтчам, сӧмын кӧть лысьӧмным, Мед кӧть и выланым омӧлик паськӧмным. Тувсовъя ывлаыс лӧзджык на йӧвваысь, Шондіыс нюмъяліс кельыдлӧз эжтасас, Нёль вося войнаӧн тшынӧдӧм енэжсӧ Быттьӧ тшӧтш мыськисны мичаник дӧваяс.
Гижӧд
Войнабӧрса
Жанр: 

lkejrlkelkrgner klrjnelknfrkl ekjnrjkenfrej

1