ВӦРАС КӦ МИ ПЕТАЛАМ

Вӧрас кӧ ми петалам,
Уджавныс кӧ босьтчылам, — 
Да э-эх! — ми босьтчылам,
Парма вӧрсӧ ставнас гӧгӧр югдӧдлам.

Коді микӧд панйысяс?
Коді микӧд вермасяс?
Да э-эх! — код вермасяс?
Некоді! Код кӧсъяс, сійӧ пӧръяссяс.

Быдмим парма ягын ми,
Ставсӧ кужӧ вӧчны ки.
Да э-эх! Зіль миян ки,
Некодлы вӧр лэдзӧмын ог сетчӧй ми!

Пилаясным лэчыдӧсь,
Тракторъясным тэрыбӧсь.
Да э-эх! И вынаӧсь.
А ми уджын быдӧн зільӧсь, сямаӧсь.

Вӧрас кӧ ми петалам,
Уджавныс кӧ босьтчылам, — 
Да э-эх! Ми босьтчылам,
Парма вӧрсӧ ставнас гӧгӧр югдӧдлам!