ВИДЗВЫВСА ГАЖ


Гудӧк шыӧн ойдіс паськыд эрдыс:
Чирксьӧ чирк, и мазі ворсӧ вальс —
Кузнеч Васькӧд орччӧн быттьӧ петіс,
Гудӧкасьны петіс Гущин Вась.

Веж видз вылас мича чужӧмбана,
Еджыд юра йӧктӧ бобӧнянь —
Быттьӧ йӧктӧ сера сарапана,
Тугъя вӧня кулӧмдінса ань.

Нимкодь сэки, олӧмным кӧ тыр-бур,
Ангел бордъя кодыр ывла мич.
Нимкодь сэк, кор сьӧлӧмын выль кывбур
Вежӧдӧ, кыдз Эжва бокын видз.