ВИЧЧЫСЯ ЁЛЬ БОКЫН


Нимкодь, кор ныв синмын кӧчасьӧ шонді,
Синъяснас синъясӧс менсьым кор шонтӧ.

Квайтымын арӧс мен — абу на пӧрысь,
Аньыдкӧд овлывла зэв на и вӧрысь.

Ныланӧй, мичаӧй, эскы мен, эскы:
Морӧсад бипур на ломзьӧдла пестӧг.

Виччыся ёль бокын, местаыс озъя,
Берегас шувгӧны кыдзьяс да козъяс.

Быттьӧкӧ ангелъяс — лэбалысь кайяс,
Некытысь он аддзы мӧд татшӧм райсӧ.

Яг шӧрын ичӧтик вӧр керка выйим,
Чӧсмасям ознас и босьтла сэн сывйӧ.

Юмола окасиг вунӧдлам арлыд,
Кывзыштам сьӧлӧмлысь гораа радлӧм.

Ныланӧй, мичаӧй, волы вай, волы,
Мортыдлӧн олӧмыс ӧтчыд ӧд овлӧ.

Котӧрт нин! Озсӧ вай усьтӧдзыс вотам...
Он кӧ лок — кулам да, жалитны пондам.