ВЕРДЫСЬ
Тури кельӧб шоныдлунсӧ сьӧрсьыс Нуис татысь нора сьылігтыр. Быттьӧ мыйкӧ лэбзис сьӧлӧм шӧрысь, Енэжланьыс сюся дзорги дыр. Керка пач моз ваймис ывла жарыс, Сынӧд лоис быттьӧ кӧдзыд сур. Турипувъя локтіс зарни арыс, Тшынтӧм биӧн ӧзйис вутшкӧсь нюр. Пуяс вылын югыд лысва пыдди Асывъяснас петлӧ еджыд пуж. Кӧка часі стенын кадсӧ лыддьӧ, А ме вӧча ассьым гижан удж. Код мый вермис арлысь козин вотіс, Чӧскыд лоас льӧмъя-пувъя ляз. Регыд шызяс вӧралысьлӧн октас, Воча вокӧй дӧмлӧ росмӧм лаз. Ветла вӧрӧ, эстчӧ кывтыдпомӧ, Коми арсӧ аттьӧавны мед. Сьӧлӧм эськӧ важӧн нин эз ломав, Дзоля дырйи арыс кӧ эз верд.
Гижӧд: 
Жанр: 

lkejrlkelkrgner klrjnelknfrkl ekjnrjkenfrej

1