ТУЙЫН
Чужан сиктӧдз туйыс абу матын... Тӧвся рытыс тӧлыся и сэзь. «Жигулиӧн» тӧвзя Эжва катыд, Кывбур выльӧс кута корсьны сэсь. Быттьӧ потан, лайкмунлӧ машина, Со и вуджи Сыктыв вомӧн пос. Кодзувъясыс быттьӧ чипанпиян, Ставнас енэж быттьӧ чипан поз. Бӧрӧ кольӧ биӧн сявкйысь юркар, Сэсся Льӧмъю, Визябӧж да Додз... Гӧгрӧс тӧлысь кисьтӧ кельыд югӧр, Тӧвнад ывла пемдӧ водза-водз. Вӧлӧкас мен тӧдса дзик быд чукыль, Колис бокӧ, бӧрӧ колис Руч. Ен сыкӧдӧн, сьӧлӧм абу жугыль, Кымын водзӧ, сымын вошӧ мудз. Кажитчӧ мен: быттьӧ ачым лэба. Кӧнкӧ эстӧн узьӧ Ыджыд Куж. Ойбыртӧма лымйӧн толтӧм Кебан, Вой и лун кӧн водзті пуис удж. Ылісянь на вачкӧ мелань бисӧ Воча тюрысь машиналӧн син. Туйвеж бокын кодкӧ лэптіс кисӧ, Верст ылнаын тасянь — Кулӧмдін. Посъяс кузя вуджи кынмӧм шоръяс, Бӧрӧ колис Дон горувса ю. Кодзувъясыс — югыд светофоръяс — Восьтӧны мен чужан сиктӧ туй.
Гижӧд: 
Жанр: 

lkejrlkelkrgner klrjnelknfrkl ekjnrjkenfrej

1