ТУЙВЫВ МОРТЛЫ


Гыӧрзьӧма ӧтка ӧшинь.
Гыӧр костӧд дзоргӧ пемыд.
Кодзуласьӧ ыргӧн ӧшан:
Тӧлысь-пӧртйын пуӧ Енмыс
Асыв кежлӧ аслыс нуртор.
Тӧлын кӧдзыд тшӧтш и сылы.
Мыйкӧ вомгорулас мургӧ,
Пемӧсъяслы «ӧввӧ» сьылӧ,
Али туйӧ петӧм мортлысь
Нерӧ жугыль нуранкывсӧ.
Туйвыв мортлӧн ылын гортыс.
Унзіль вӧр-ва Енмӧс кывзӧ.
Дадь сюв улын чарӧм дзуртӧ.
Ойбыртӧма вӧр и пемӧс.
Бушков лымсӧ лёддзӧ куртӧ.
Гудыртчӧма вӧт и вемӧс.