ТӦДТӦМ НЭМЪЯСӦ ВОСЬКОВ

Рафаэльлӧн «Сикстинскӧй мадонна»
серпас серти

Витсё во сайын чужтӧм картина —
Мортлӧн вежӧрӧн рӧдитӧм Ен.
Морӧс бердас со топӧдӧ кинас
Зӧлӧт кагасӧ нывбаба сэн.

Быттьӧ Му шарсӧ моздорас кутӧ,
Сыысь бипур мед эз вӧчны йӧз.
Миян син водзӧ ловйӧн моз сувтӧ,
Медым гуавны морт виан грӧз.

Тӧдтӧм нэмъясӧ муніг оз туйны
Зывӧк лӧжлун ни войналӧн тшын.
...Витсё во нин со нывбаба туйын,
А мед шойччыштны — оз тырмы вын.