ТЕПЛУШКАЫН
Вагон тыр быд пӧв вылын пукалӧ йӧз, Вот здук — и ми вӧрзьӧдчам туйӧ. Кӧрт пач шӧрас ломтысьӧ, табак тшын — лӧз. А ёрт менам пукалӧ жуя. — Мый шогсян тэ сідзи? Мый думайтан сідз. Он кыпыда нуӧд тэ сёрни? — И ёрт меным шуӧ: — Ме шоглун ог видз, А морӧсын гыалӧ скӧрлун. Ог вермы ме терпитны, медым быд лун Ми эновтім каръяс да сиктъяс. Оз терпитсьы, медым рӧдимӧй ас му И талисны сійӧс фашистъяс. Мен колӧ, мед ӧдйӧнджык вӧлімӧй ми Сэн, кытӧні линия фронтлӧн; Кӧн пыркалӧ муыс, кӧн тшын и кӧн би, — Тыш аддзыны сьӧлӧмӧс ёнтӧ! — — Тэн аттьӧ, бур ёртӧй! Вай китӧ мен, друг: Клянитчам ас му водзын юрӧн — Тыр вермӧмӧдз дорйыны ассьыным шуд, И, ковмас кӧ, кулам ми бура! — Вагон тыр быд пӧв вылын пукалӧ йӧз, И быдӧнлӧн дум налӧн ӧти — Мед некор эз гудыртчыв енэж, код лӧз, Став вынӧн фашистъясӧс нӧйтны.
Гижӧд
Теплушкаын
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1